Khanloh a hun ta

"Save Churachandpur"

MNF leh Government of India in Lemna thukhun a suai a kaih dek lai un, Churachandpur district leng huam sak ding in Mizoram apan chialpi ding mi a hong kuan ua, himahleh i makaite un ana nolh uhi. Hiai lai a makaite mahmah i houlimpih chiang in a kisik thu uh a gen ua, himahleh a kikhel ahita. Huai hun lai bang a hun hoih khovel ah, a hong om nawn ding thil haksatak ahita. Huchi himahleh, hiaiziakin makai masate i dem mai kei ding ua, i mohsa mai kei ding uh. Kimohsak kiakniamna thupitak ahi chih mangngilh kei ni. 

Huai bang hun lai in Mizoram toh taksa a kichimatna, lungsim a kichimatna bangmah omlou a, huai naksang in ngaihtuahna ana tawm deuh ziakin sa-le-gal bang in a na et khak ziak uh ahizaw. Himahleh, khangthakte’n tuni chiang in Mizoram in i nung a hon dinpih keileh Zogam chi a, i gen a la a i awihte uh tang zoulou thei dinmun a ding i hita uhi. 

Nagate’n sawtlou nungchiang in a hon pawtsan ding ua, a hon pawtsan louh tawp un 6th Schedule Status toh Manipur ah a om ding ua, huai hun chiang in phaijangmite’n leitang thu ah, a khuttal uh leng a golh thei nawn kei ding uhi. Huai hun chiang Churachandpur District lou ngal kepbit ding nei nawnlou ding ahiman un government leh helpawlte kigulluk in “Save Churachandpur” a chihsa uh a hon bohzui ding uhi. Huai hun chiang a i poimoh ding Mizoram ahi. Eite panpih ding in Nagate a hong kuan himhim kei ding uh chih thei ni. 

Phaijangmite’n hiai muhkholhna tun leng a nei ua, i theih ngeilouh dan leh dun tuamtuam a hong kigolhgolh mai a, gul bang a pil in, vakhu bang a nunnem in, awl in a hong kivial panta uh chihna ahita. Zu nou a zu kisung lai et a, lungsim a hup bang in tamtak a hon hupzou lai ding uhi. 

Huai hun chiang in Mizoram in a hon dinpih kei leh eikia in i pangzou kei ding uh chih a chiang mahmah hi. Huaiziakin electoral politics ah Mizoram apan Regional Party, MNF/ZPM etc toh Lamka khopi a, i kaihlut teitei uh tuh i kizopna hoihpen uh hiding ahi chih kuapeuh in theih ding ahi. Lamka khopi sung a NPF, NPP, Cong leh BJP chihte’n office a neih theih leh bangziak a i sisan kizoppih Mizoram political party te Lamka khopi a office hong sak theilou ding? Chi’n group member te ka hon chou hi. 

          VANGLAINI Ori Whatsapp Group.